Евгениј Пригожин, шеф на руската паравоена група „Вагнер“, во неделата изјави дека украинските сили држат позиции во југозападната периферија на градот Бахмут, главната точка на удар во руско-украинската војна.
„Да, за жал, има такви информации. Имаме информации дека веќе има набљудувачки пунктови на вооружените сили на Украина“, рече Пригожин во изјавата на Телеграм.
Руските сили со месеци се обидуваат да го заземат Бахмут, транспортен и логистички центар во регионот на Доњецк, кој е дел од индустријализираниот регион Донбас.
Кон крајот на мај руското Министерство за одбрана и паравоената група Вагнер тврдеа дека нивните сили целосно ја презеле контролата над градот.
Сепак, украинскиот претседател Володимир Зеленски ги негираше тие тврдења за време на прес-конференцијата по минатомесечниот самит на Г-7 во Јапонија.
Сите информации поврзани со најновите случувања со војната во Украина можете да ги прочитате ТУКА.