Цивилен чувар е убиен во руски ракетен напад врз областа Одеса во текот на ноќта, објави регионалниот гувернер Олех Кипер.
Кипер изјави дека руските сили истрелале крстосувачки ракети Калибр врз пристанишните инфраструктурни објекти во регионот.
Уништена е стражарската зграда и два автомобили, а оштетена е и опремата на карго терминалот.
Точната локација на нападот не е соопштена, пишува Kyiv Independent.
Жито цел на руски напади
На 17 јули Русија објави дека нема да го продолжи договорот за жито во Црното Море.
Од 18 јули, Одеса и другите пристаништа долж брегот на Црното Море постојано беа цел на Русија за време на војната.
Украинскиот министер за земјоделство Микола Солски на 19 јули објави дека руските напади уништиле 60.000 тони жито во Черноморск.
На 24 јули, Русија употреби беспилотни летала за да ја нападне пристанишната инфраструктура на Дунав, уништувајќи хангар што се користеше за складирање на жито.
Нападот се случи на крајниот југозапад на Украина, на само 200 метри од границата со Романија, земја членка на НАТО.
Пред целосната инвазија, 95 отсто од житото на Украина се извезуваше преку овие пристаништа. Цените на пченицата и пченката веќе нагло пораснаа ширум светот, потсетува украинскиот портал.
Велика Британија има информации кои укажуваат дека „руската војска би можела дополнително да го прошири таргетирањето на украинските постројки за жито, вклучително и напади врз цивилниот брод во Црното Море“, изјави денеска британската амбасадорка во ОН Барбара Вудворд.
Сите информации поврзани со најновите случувања со војната во Украина можете да ги прочитате ТУКА.