Портпаролот на вооружените сили на Украина изјави дека Русија нема да може брзо да постави производствени капацитети за производство на дронови дизајнирани од Иран.
Коментирајќи ја можноста Иран да и предаде ракети на Русија, портпаролот рече дека тие мора „да се подготват за сите предизвици“.
„Војната е во фаза кога дроновите се сè поважни“
„Ова зависи од многу фактори, пред сè од желбата на земјите да се вклучат во приказната за производството на дронови во Русија. Се разбира, ова ќе потрае многу подолго од неколку недели или дури месеци. Јасно е дека нема да се случи брзо“, изјави за Укринформ Јуриј Ихнат, портпарол на украинската армија.
Тој забележува дека војната е во фаза кога беспилотните летала се сè поважни.
„Војната влезе во фаза кога се материјализираат се повеќе дронови, тие се закана од која мора да се заштитиме, но мораме и да ја зголемиме сопствената залиха на такви дронови, таква летечка муниција што може да го погоди непријателот надвор од линијата на фронтот“, додаде тој.
Ихнат рече дека Русија произведува свои дронови, и нападни и извидувачки.
„Да се надеваме дека Русија нема да ги добие тие ракети“
Тој додаде дека Иран можеби ќе сака да избегне дополнителни санкции што ќе бидат воведени доколку ги предаде своите планови за дронови на Русија.
На прашањето дали Иран ќе ѝ испорача ракети на Русија, портпаролот на украинската армија рече дека одредени дипломатски фактори можеби го забавиле процесот, но додаде дека Украина треба да биде подготвена за сите предизвици.
„Можеби некои дипломатски ресурси и преговори се веќе започнати, некои земји би можеле да кажат за ова. Да се надеваме дека терористите нема да ги добијат тие проектили, што донекаде ќе го омекне нападот. Можеме само да се надеваме, а во меѓувреме мора да се подготвиме за сите предизвици“.
Вашингтон пост претходно објави дека Иран и Русија се договориле за план за составување дронови дизајнирани од Иран на руска територија.
Сите информации поврзани со најновите случувања со војната во Украина можете да ги прочитате ТУКА.