Внуките на американскиот гангстер Ал Капоне (1899-1947), кои живеат мирен живот во САД со децении, подготвуваат аукциска продажба на приватните работи на нивниот дедо, како што е неговиот омилен пиштол, фотографии со семејството и „соработниците“ и писмо што тој го испратил од затвор до неговиот син Сони …
На аукцијата во Сакраменто на 28 август ќе има уште некое оружје во сопственост на Ал и Сони, дел од златник, џебен часовник изработен од платина и дијаманти, мебел, сребро, порцелан и накит и домашен филм на стара лента „во која се Ал Капоне и соработниците“, објави Сан Франциско Хроникал.
Аукцискиот каталог на нешто наречено „Ерата на озлогласеноста – имотот на Ал Капоне“ се состои од 174 предмети.
Дајан Капоне (77), една од трите живи внуки на поранешниот мафијашки бос, чиј живот служел и како мотив за познатиот филм „Скарфејс“, вели дека одлучиле да продадат бидејќи имале над седумдесет години.
– Решивме дека е време да се справиме со тоа и да и дозволиме на јавноста да ги има тие предмети – рече таа.
