Шангај треба да почне да се враќа во нормален живот по неколку недели строго заклучување, пренесува Ројтерс.
Според заменик-градоначалникот на Шангај, Зонг Минг, од денеска се очекува постепено олеснување на мерките, а враќање на нормалниот живот може да се очекува од 1 јуни.
Таа рече дека укинувањето на мерките ќе се спроведува постепено, а забраните за движење ќе останат во сила до 21 мај, за да се спречи нов скок на бројот на заразени.
„Од 1 јуни, до средината на јуни до крајот на јуни, се додека ризикот од зголемување на бројот на заразени е под контрола, целосно ќе ги спроведеме мерките за превенција и контрола на епидемијата, ќе го нормализираме управувањето и целосно ќе го вратиме нормалното производство. и животот во градот“, рече Минг.
Северна Кореја: Заразени 1,2 милиони луѓе, војската се вклучува во справувањето
Во рамки на првото олеснување на мерките, денеска ќе бидат отворени продавниците и аптеките, а ќе се зголеми бројот на летови и возови. Кога ќе се укине забраната за движење, граѓаните ќе можат да влезат во градскиот превоз само со негативен тест.
Во Шангај, каде живеат 25 милиони луѓе, на крајот на март започна целокупното заклучување, кое остави големи финансиски последици, но предизвика и незадоволство кај граѓаните.
Петти топлотен бран во Индија ова лето: Измерени речиси 50 степени
Воведени се строги мерки како дел од намерата за целосно искоренување на Ковид 19. Ројтерс јавува дека вчера биле откриени помалку од 1.000 заразени лица.