Русија е подготвена да ѝ ги предаде на украинската страна телата на Украинците кои загинаа во падот на Ил-76 во регионот на Белгород, потврди за РИА Новости руската комесарка за човекови права Татјана Москалкова.
Таа додаде дека е во контакт со Киев во врска со случајот со авионската несреќа, а украинската страна е заинтересирана за можноста за пренесување на телото.
Според тврдењата на Русија, вооружените сили на Украина на 24 јануари собориле воен транспортен авион Ил-76 над регионот Белгород, во кој 65 украински затвореници летале на размена на затвореници.
Сите украински затвореници, како и тројца руски офицери и шест членови на екипажот, загинаа.
Утврдено е дека украинската армија го нападнала авионот со два проектила од реонот на селото Липци во Харковската област, а истрагата утврдила дека станува збор за противвоздушни наведувани ракети МИМ-104А на американскиот комплекс Патриот, тврди Москва.
Рускиот претседател Владимир Путин го нарече инцидентот злосторство на Киев врз сопствените граѓани.
Според него, украинската страна знаела дека во Ил-76 има воени заробеници на Вооружените сили на Украина, но сепак го извршила нападот, или од невнимание или намерно.
Киев зборува за потреба од меѓународна истрага, но локалните медиуми ја промовираат тезата дека Ил-76 носел ракети С-300, а западните медиуми наводно се обидуваат да ја прикријат ситуацијата.
Путин додаде дека Русија исто така инсистира на истрага, но дека се уште нема доброволци од меѓународните организации.
Министерството за одбрана на Украина не потврди дека силите на земјата го собориле Ил-76.
Сите информации поврзани со најновите случувања со војната во Украина можете да ги прочитате ТУКА.