Украинската влада се надева дека ќе воспостави партнерство со земјите од ЕУ за да може да ја продолжи борбата без оглед на исходот од изборите во САД во 2024 година, изјави во понеделникот министерот за надворешни работи Дмитро Кулеба.
„Што се однесува до тоа што може да се случи во 2024 година, ќе треба да почекаме и да видиме. Но, ние се подготвуваме бидејќи не можеме да си дозволиме да зависиме само од американската поддршка“, изјави Кулеба за германскиот весник „Ди Велт“.
„Благодарение на нашите пријатели во Европа и другите земји, мислам дека не се плашиме од сценарио за судниот ден.
Кулеба истакна дека неговите предлози за заедничко производство на оружје и муниција биле „позитивно примени од министрите за надворешни работи“ на неодамнешната конференција за проширување на ЕУ во Берлин.
„Затоа сега инвестираме огромни суми пари во сопственото производство на сите видови оружје, зголемувајќи го обемот на производство и милитаризирајќи ја нашата економија“, рече тој.
„Ако Западот не може да победи во оваа војна, тогаш во која војна може да победи? – се запраша Кулеба.
Сите информации поврзани со најновите случувања со војната во Украина можете да ги прочитате ТУКА.