Во изминатото деноноќие се потврдени 46 нови случаи на Ковид 19. Со ова бројката на дијагностицирани случаи во државата е 663 лица.
Новопотврдените случаи се во градовите: Скопје –12, Куманово – 13, Прилеп – 8, Тетово -1, Струга – 2 , Велес – 8, Кочани – 1, Пробиштип – 1.
Во изминатото деноноќие направени се 341 теста. Досега во земјата се направени 6.571 тестирања на Ковид-19.
Починатата родилка од Куманово, за која што вчера попладне инормираше Министерството за здравство, ќе биде евидентирана во денешниот извештај на ИЈЗ.
Нови случаи на заразени здравствени работници во Куманово
Од новите случаи во Куманово регистрирани како позитивни се уште неколку здравствени работници.
Меѓу заболените во Куманово има шест регистрирани случаи на заразени медицински сестри и акушерки. Засега не е познато како тие се заразиле.
Нивните брисеви биле земени во понеделник, заедно од повеќе други вработени во кумановската болница, но за поголем дел од нив резултатите се уште не се пристигнати.
Затоа Општинскиот штаб за заштита и спасување денеска побара да се затвори Гинеколошко-акушерското одделение во болницата, а тестовите на здравствените работници да бидат приоритетни.
Никола Ивановски