Украинскиот град Днипро во саботата беше цел на руски напад, па Русите рано попладне со проектил погодија деветкатна станбена зграда.
Во тој напад загинаа најмалку 35 лица. Поради тој напад, во Днепар владее тага, исцрпеност и гнев.
Погодената зграда сега е само куп бетон. Становите на зградата се преполовиле кога проектилот со боева глава од речиси еден тон продрел се до подрумот.
Жителката на соседната зграда Свитлана Лишчинска за Си-Ен-Ен изјавила дека од ударот паднало се што било на ѕидот во нејзиниот стан.
„Во истиот момент ми се јави ќерка ми која беше на прошетка со пријателка и ми кажа за силните експлозии. Трчав кон неа. Колку поблиску се приближував, сцената се повеќе личеше на пекол. Се смрзнав кога дојдов таму – двата влеза на зградата едноставно веќе не постоеја. Се претворија во куп бетон и дупка. Тоа беше слика од апокалипсата“, изјавила Украинката за Си-Ен-Ен.
Чад бил во воздухот 36 часа по ударот
Околу 36 часа по ударот, чад сè уште висеше во воздухот. Спасувачките тимови се тркааа по урнатините, а нивните надежи да најдат некој друг жив се намалуваа од час во час.
Уште 35 лица сѐ уште се водат како исчезнати, соопштија украинските власти. Спасувачите во саботата нешто по полноќ слушнале лице кое повикувало на помош.
На лицето под урнатините му биле потребни девет часа, а дотогаш таа боледувала од тешка хипотермија.
Луѓе во болница со парчиња метал и бетон во секој дел од телото
Повеќе од 30 лица се уште се во болница, од кои 12 се во тешка состојба, изјави Наталија Бабаченко, советник на началникот на регионалната воена управа на Дњепропетровск.
Меѓу тешко повредените има и 9-годишно девојче.
Повеќето од повредените се пренесени во болницата Механикова, каде главниот лекар Сергиј Рижченко рече дека луѓето пристигнале облеани во крв и прашина, со искинати алишта.
Парчиња метал и бетон биле вградени во секој дел од нивните тела, рече тој.
Меѓу очајот имаше и моменти на радост. Максим Омелијаненко, војник кој служел во Бахмут во источна Украина, по нападот се упатил кон Днепар за да открие дали неговата мајка е сè уште жива.
„Мајка ми за чудо преживеа. Беше во кујната, единствениот преживеан дел од мојот стан на 9-ти кат од зградата. Беше заробена под шпоретот”, објави војникот на Инстаграм.
Каков вид на проектил ја погоди зградата?
Според украинските власти, проектилот што ја погодил зградата бил Kh-22. Украинската војска вели дека нема способност да соборува такви проектили, кои се дизајнирани да потонат бродови.
Повеќе од 200 Кх-22 биле истрелани против Украина од почетокот на војната, соопшти војската. Еден од нив удри во трговски центар во блискиот Кременчук минатиот септември, при што загинаа најмалку 18 луѓе.
Олена Лојан, жителка на Днепар, била шокирана од обемот на уништувањето. Додека стоела пред уништената зграда ги пцуела Русите.
„Едноставно ги мразам. Луѓе умреа, деца умреа“, изјави жената за Си-Ен-Ен.
Сите информации поврзани со најновите случувања со војната во Украина можете да ги прочитате ТУКА.