Терористичка ќелија поддржана од Киев, која планирала да ја труе храната наменета за руските војници на линијата на фронтот, е разбиена во Санкт Петербург, објави Федералната служба за безбедност (ФСБ), пренесува Раша тудеј.
Четворица членови на групата се идентификувани како екстремно десничарски радикали и членови на „Рускиот волонтерски корпус“ (РДК), милиција поврзана со воената разузнавачка служба на Украина.
Заговорниците дејствувале по наредба на нивното раководство и во име на украинската влада, соопшти ФСБ.
Освен наводниот заговор за труење, осомничените ја следеле клучната инфраструктура во и околу вториот по големина град во Русија за можни идни напади, соопшти агенцијата.
Сите четири лица се уапсени и им се заканува казна затвор од најмалку десет години поради членство во терористичка организација, се наведува во соопштението.
Сите информации поврзани со најновите случувања со војната во Украина можете да ги прочитате ТУКА.