Поранешниот американски претседател Доналд Трамп изјави вчера дека рускиот претседател е „донекаде ослабен“ од прекинатиот бунт и дека сега е време САД да се обидат да посредуваат во постигнувањето мировен договор меѓу Русија и Украина.
„Сакам луѓето да престанат да умираат поради оваа смешна војна“, рече Трамп во телефонско интервју за Ројтерс.
Зборувајќи опширно за надворешната политика, фаворитот за републиканска претседателска номинација во 2024 година, исто така, рече дека на Кина треба да ѝ се дадат 48 часа да го извлече она што извори запознаени со ова прашање велат дека се кинеските шпионски способности во Куба, која е оддалечена 145 километри од брегот на САД.
„Владата во Киев мора да ѝ отстапи одредена територија на Русија“
Што се однесува до Украина, Трамп не ја исклучи можноста владата во Киев да мора да ѝ отстапи одредена територија на Русија за да ја запре војната што започна со инвазијата на Украина од страна на руските сили пред 16 месеци.
Тој рече дека сè би било „предмет на преговори“ доколку тој е претседател, но дека Украинците кои се бореле за да ја одбранат својата земја „заслужуваат многу пофалби“.
– Мислам дека тие би имале право да задржат голем дел од она што го заслужиле, а мислам дека и Русија би се согласила на тоа. Ви треба вистински посредник, односно преговарач, а ние во моментов го немаме, тврди тој.
Американскиот претседател Џо Бајден и сојузниците во НАТО сакаат Русија да ја напушти територијата што ја окупираше во источна Украина.
Украина започна контраофанзива која имаше мал успех во протерувањето на руските сили.
Минатата година, украинскиот претседател Володимир Зеленски предложи мировен план од 10 точки, кој ја повикува Русија да ги повлече сите свои војници.
Вагнеров бунт
„Мислам дека најголемата работа што САД треба да ја направат сега е да постигне мир – да ги спои Русија и Украина и да постигне мир. Можете да го направите тоа, рече Трамп.
Тој исто така рече дека Путин бил оштетен од бунтот на Вагнер, руската платеничка армија и нејзиниот водач Евгениј Пригожин, што се случи минатиот викенд.
„Може да се каже дека тој (Путин) е сè уште таму, тој е сè уште силен, но секако, би рекол, тој е донекаде ослабен, барем во главите на многу луѓе“, рече тој.
Меѓутоа, ако Путин повеќе не беше на власт, „не знаете која е алтернативата. Може да биде подобро, но може да биде многу полошо“, рече Трамп.
Во врска со обвиненијата за воени злосторства поднесени против Путин од страна на Меѓународниот кривичен суд минатиот март, Трамп рече дека судбината на Путин треба да се разговара кога војната ќе заврши „бидејќи токму сега, ако го изнесете, никогаш нема да постигнете мир, никогаш нема да постигнеме договор“.
Сите информации поврзани со најновите случувања со војната во Украина можете да ги прочитате ТУКА.