Конфликтот меѓу Евгениј Пригожин, шеф на озлогласената руска приватна платеничка компанија „Вагнер“ и рускиот министер за одбрана Сергеј Шојгу продолжува.
Пригожин со недели се жали дека руското Министерство за одбрана не доставува доволно муниција на неговите платеници, кои со месеци се обидуваат да го заземат украинскиот град Бахмут.
Денес, сепак, објави писмо во кое цинично го повикува Шојгу да го посети Бахмут.
Што пишува во писмото?
„Почитуван Сергеј Кужугетович,
Во моментов, единиците на приватната воена компанија Вагнер контролираат повеќе од 95% од населбата Бахмут и продолжуваат со офанзивните операции со цел целосно ослободување.
На крилата на Вагнер, каде што се наоѓаат силите на вооружените сили на Руската Федерација, непријателот започна серија успешни контранапади.
Имајќи ја предвид моменталната тешка оперативна ситуација, како и вашето долгогодишно искуство во борбени операции, ве повикувам да дојдете на територијата на Бахмут, која е под контрола на паравоените сили на Руската Федерација, и самостојно да ја процените сегашната ситуација.
Однапред ви благодарам, ја очекувам вашата согласност“, се вели во писмото до рускиот министер што Пригожин го објави денеска.
After almost a week of hysteria and demands for ammunition, Prigozhin began trolling Russian Defense Minister Shoigu. In this letter, he states that he controls 95% of Bakhmut and invites Shoigu to visit the city to assess the situation for himself, given Shoigu’s “many years of… pic.twitter.com/s8qQecvCwB
— Sviat Hnizdovskyi (@s_hnizdovskyi) May 12, 2023
Сите информации поврзани со најновите случувања со војната во Украина можете да ги прочитате ТУКА.