Две нови сателитски снимки покажуваат неидентификувани бели форми на врвот на реакторот 4 во нуклеарната централа Запорожје.
Сликите, направени од компанијата за сателитски снимки Планет Лабс, се направени на 5 јули, еден ден откако украинскиот претседател Володимир Зеленски тврдеше дека можеби имало поставено експлозив во нуклеарната централа.
На најјасните снимки направени во 07:51 по локално време, видливи се пет бели форми.
Втората слика направена во 10.16 покажува само три бели форми.
На третата слика, која е направена неколку часа пред другите две фотографии, не се гледаат бели облици, а Planet Labs укажува дека сликата е направена во 05:27 часот наутро.
„Сега имаме информации од нашата разузнавачка служба дека руските војници поставиле предмети што личат на експлозив на покривот на неколку енергетски единици на нуклеарната централа Запорожје. Можеби за да се симулира напад на објектот. Можеби имаат друго сценарио“, рече Зеленски во вторникот.
Тој тврдеше дека наводните предмети биле поставени на врвот на реакторите три и четири, пренесува tportal.
📷 Planet Labs, using its satellite images, has recorded the appearance of new objects on the roof of the Power Unit No.4 at the #Zaporizhzhia Nuclear Power Plant, Radio Liberty reported. pic.twitter.com/XSY2PsXnKD
— KyivPost (@KyivPost) July 6, 2023
Сите информации поврзани со најновите случувања со војната во Украина можете да ги прочитате ТУКА.