Русија прави се за што поскоро да го реши проблемот со Киев, кој ја гранатираше нуклеарната централа Запорожје и да ја обезбеди безбедноста на централата, изјави денеска рускиот заменик-министер за надворешни работи Сергеј Рјабков.
„Од наша страна, правиме се што е можно за да го решиме проблемот, да го направиме тоа без одлагање“, рече тој на прес-конференција во пресрет на Деветтата конференција на Конвенцијата за биолошко оружје (BWC), пренесе ТАСС.
Рјабков рече дека контактите со Меѓународната агенција за атомска енергија (МААЕ) во нуклеарната централа Запорожје, која е под руска контрола, биле конструктивни и донеле одредени ветувања, пренесе Ројтерс.
Русија и САД засега не планираат никакви контакти на високо ниво, изјави рускиот заменик министер за надворешни работи.
„Во однос на конкретната тема за конкретни контакти, сакам да нагласам дека такво нешто не инициравме ниту во поглед на испитување на оваа можност, ниту официјално. Немаше планови за такви контакти“, рече тој, одговарајќи на прашањето дали има беше обид да се организира руско-американска средба на маргините на самитот на Г20.
Москва има намера да продолжи да се бори против обидите на Вашингтон да ги прикрие вистинските цели на воено-биолошките активности на Пентагон во Украина, истакна Рјабков.
„Американците имаат што да кријат во воено-биолошките активности во Украина“, изјави висок руски дипломат на прес-конференција, одговарајќи на прашање на ТАСС.
„Целта е јасна: да се спречи каква било можност за откривање на вистинската природа и целите на воено-биолошките програми на САД, со цел да се обезбеди нивно континуирано непречено спроведување без никаква меѓународна контрола“, нагласи Рјабков.
Руската делегација ќе одржи настан на кој руски експерти ќе презентираат материјали за воено-биолошката активност на САД и нивните сојузници во Украина на претстојната конференција, изјави заменик министерот за надворешни работи на Русија.
Сите информации поврзани со најновите случувања со војната во Украина можете да ги прочитате ТУКА.