Во понеделникот, рускиот претседател Владимир Путин потпиша одлука за формирање специјален фонд за помош на војниците ангажирани во Украина и нивните семејства.
Руската армија претрпе големи загуби од почетокот на офанзивата против Украина на 24 февруари минатата година. Од септември, Путин мобилизираше 300.000 резервисти.
Указот за помош на „Бранителите на татковината“ беше објавен во понеделникот на владиниот портал.
Според него, освен на ветераните од војната во Украина, фондот ќе им помага и на семејствата на загинатите војници.
Износот на фондот не е соопштен
Путин го најави формирањето на фондот во говорот во парламентот на 21 февруари, пред првата годишнина од инвазијата на Украина.
Фондот треба да „обезбеди насочена и персонализирана помош на семејствата на војниците убиени во битка, како и на воените ветерани од специјалните воени операции“ во Украина, рече тогаш Путин.
Сите информации поврзани со најновите случувања со војната во Украина можете да ги прочитате ТУКА.