Видео поканата од ТикТок за роденденската забава собрала 2.500 луѓе на плажата во Калифорнија.
Уапсени се 149 лица кои ја одбиле наредбата за разидување, а меѓу нив имало и 28 малолетни лица.
Видео поканата за роденденската забава станала вирална на популарниот ТикТок и собрала најмалку две илјади луѓе да слават на плажа во Јужна Калифорнија во саботата вечерта.
Полицијата проценила дека најмалку 2.500 луѓе се собрале на плажата, го прогласи собирот за нелегален и уапси 149 лица кои ја одбиле наредбата да се разидат. 28 од нив биле малолетни.
Полицијата прогласи полициски час откако луѓето почнале да се искачуваат на спасувачката кула и нелегално да поставуваат огномет.
На видеото се гледа како полицајци носат кациги што вообичаено ги носат кога има немири и пукаат гумени куршуми за да ја контролираат толпата.