Русија во текот на ноќта започна серија напади врз Украина. Експлозии одекнаа во градот Запорожје, Лавов на западот на земјата во близина на границата со Полска, а нападнат е и главниот град Киев.
Воената администрација на Киев објави дека Москва започнала напад со дрон во раните утрински часови, предупредувајќи ги жителите да се засолнат, во објава на апликацијата Телеграм.
Засега нема информации за жртви.
Администрацијата подоцна објави дека градската противвоздушна одбрана открила и уништила дваесетина дронови Шахед од иранско производство во „масовен воздушен напад“.
Се вели дека тоа е втор напад со беспилотни летала врз градот од почетокот на месецот.
Во Лавов е погоден и запален дел од „критичната инфраструктура“, соопшти градската воена управа, но нема повредени.
Претходно, градоначалникот Андриј Садови информираше за експлозии во и околу Лавов.
Не е јасно дали експлозиите дошле од воздушна одбрана или од ракетни напади.
Воздушна тревога беше објавена и во Запорожје, објави Киев Индипендент, истакнувајќи дека јужниот град бил силно цел на руската артилерија во последните неколку дена.
Ситуацијата во градот „беше стабилна и покрај немирната и бучна ноќ“, изјави подоцна на Телеграм шефот на градскиот совет, Анатолиј Куртев.
Нема повредени, а нема оштетувања на станбени згради, додека сите комунални системи работат нормално, рече тој.
Сите информации поврзани со најновите случувања со војната во Украина можете да ги прочитате ТУКА.