Тие станаа водечка причина за загадување на плажите, објави минатата година Британското здружение за заштита на морињата, но предизвикуваат и други проблеми.
Експертите утврдиле дека тие можат да бидат причина за алергиски реакции, а особено не се препорачуваат за бебиња. Се проценува дека на секое бебе до тригодишна возраст се користат меѓу 1.500 и 2.250 влажни марамчиња.
Нивната нежна кожа, која сè уште не е целосно зрела, е чувствителна на сите надворешни фактори, па впива се што е негативно од влажните марамчиња.
За нив најдобро е да користат обични памучни влошки натопени во топла вода и на тој начин да им го избришат задникот. Може да се мијат и под топла вода, а потоа да се избришат со мека крпа.
Дерматитисот и егземата стануваат се почести кај бебињата и родителите на нивните раце, а експертите најчесто ги поврзуваат со влажни марамчиња.
Најопасната состојка што може да предизвика такви алергии е метилизотиазолинон (скратено: МИ), кој беше прогласен за алерген од Американското здружение за контактен дерматитис во 2013 година. Европската комисија ја забрани неговата употреба во сите производи што може да останат на кожата.
Не смеат да се фрлаат во одводи
Иако на нив пишува дека не смеат да се фрлаат во одводи, луѓето често го прават тоа, пред се затоа што не читаат што пишува на амбалажата.
Ги затнуваат одводите бидејќи не се разградливи како обична тоалетна хартија. Дури и кога се фрлаат во ѓубре, тие се штетни.
Поради комбинацијата на алкохол, конзерванси, мириси и средства за чистење, тие тешко се распаѓаат. Освен тоа, антибактерискиот алкохол од нив ги убива бактериите и ензимите кои се клучни за разградување на обичниот отпад на местата каде што се одлага ѓубрето, но и во септичките јами.
Не се добри ниту за компостирање, бидејќи синтетичките влакна нема да можат да се распаѓаат, а хемикалиите и конзервансите од нив ќе ја загадат вашата почва и она што е добро во неа.
Со што можете да ги замените?
Антибактериски влажни марамчиња
Наместо да ги користите овие влажни марамчиња, подобра опција е да ги миете рацете со сапун и вода. Ова е поефикасно од нивното чистење со марамчиња, кои се покажаа како најмалку ефикасни во чистењето на рацете. Покрај тоа, антибактериските состојки можат да ја зголемат отпорноста на антибиотици.
Влажни марамчиња за отстранување на шминката
Дерматолозите не ги поддржуваат бидејќи содржат хемикалии слични на детергент. Ако се премногу силни, ќе ја иритираат вашата кожа, а многу од нив што содржат алкохол може дополнително да ја исушат вашата кожа.
Козметичкиот дерматолог д-р Сем Бантинг препорачува памучни влошки и мицеларна вода како најнежна опција за кожата, пренесува 24 sata.hr.
Влажни марамчиња за бебиња
Дури и оние што велат „еко“ или „зелено“ што содржат претежно вода, сепак се штетни. Тие се направени од полиестер и ги затнуваат одводите, внесуваат пластика во синџирот на исхрана и нема да се распаѓаат стотици години.
Подобра опција е да понесете памучни влошки и малку вода, па така избришете го бебето.
Влажни марамчиња за чистење на домот
Тие често содржат многу алкохол и мириси кои можат да ја иритираат и сушат кожата. Далеку поефикасни се волшебните крпи кои можете да ги користите многу пати, а се наменети за чистење на домот.