Кремљ во петокот соопшти дека не очекува Велика Британија да покаже „политичка мудрост“ при изборот на нејзиниот следен премиер, откако Лиз Трус објави дека се повлекува од премиерската функција.
„Не очекуваме увид и политичка мудрост од никого во земјите на колективниот Запад, а камоли од Британија. Особено во Британија, каде што луѓето не избираат личност на чело на извршната власт која се појавува како резултат на внатрепартиски размислувања“, изјави портпаролот на Кремљ, Дмитриј Песков, на прашањето за можното враќање на Борис Џонсон на лидерската позиција.
Џонсон, отворен застапник на Украина во нејзиниот конфликт со соседна Русија, беше сменет од премиерската функција во септември, поради бранот скандали.
Тогаш руските медиуми и официјални лица ја прославија веста за неговото заминување.
Русија, исто така, топло ја поздрави веста за неизбежното заминување на Трас.
Сите информации поврзани со најновите случувања со војната во Украина можете да ги прочитате ТУКА.