Американците кои беа заробени на Хаити по атентатот врз претседателот Жовенњл Моиз, за време на испрашувањето изјавиле дека нивната цел не била да го убијат шефот на островската држава, пишува РИА Новости, повикувајќи се на Нувелист.
Заедно со 26 Колумбијци беа уапсени двајца Американци со потекло од Хаити – Џејмс Солаж и Џозеф Винсент.
– Тие тврдат дека се преведувачи. Целта на платениците била да го уапсат претседателот Моиз, а не да го убијат – изјави судијата Климент Ноел за хаитиските медиуми за објавувањето, повикувајќи се на сведочењето на Американците.
Атентаторите тврделе дека имале налог за апсење на претседателот, но сè уште не е утврдено за каков налог станува збор.
Солаж рекол дека „аплицирал за работа преку интернет“. Тој рекол дека пристигнал на Хаити пред еден месец, а платениците пред три месеци.
Приведена група странски тренирани убијци за убиството на претседателот на Хаити
Судијата откри што било пронајдено во возилата на атентаторот. Според него, покрај огнено оружје и долари, пронајден е и сервер на камери за видео надзор инсталиран во куќата на Моиз чековна и книшка на неговата сопруга.
Претседателот Моиз (53) беше убиен од непознати напаѓачи ноќта на 6 и 7 јули во неговата приватна резиденција, а неговата сопруга Мартин Мари Етјен Џозеф, кој исто така беше ранета во нападот, е во критична состојба и е пренесена во болница во Мајами.