Тимот на републиканскиот кандидат за претседател на САД, Доналд Трамп, ангажирал надворешна фирма за проверка на кандидатите за потпретседател, а во потесниот список влегле неколку политичари, пишува Политико повикувајќи се на неименувани извори.
Американскиот портал наведува дека за се била информирана и поранешната прва дама Меланија Трамп, која влијаела на одлуката да се избере Мајк Пенс за потпретседател во 2016 година.
Наводно, списокот на кандидати ги вклучува сенаторот од Јужна Каролина Тим Скот, сенаторот од Јужна Дакота Кристи Ноем, конгресменот од Флорида Бајрон Доналдс, конгресменката од Њујорк Елис Стефаник, поранешната конгресменка од Хаваи, Тулси Габард и сенаторот од Охајо, Џеј Ди Венс.
Сенаторот од Алабама Кети Брит, сенаторот од Флорида Марко Рубио, сенаторот од Арканзас Сара Хакаби и сенаторот од Јужна Дакота Даг Бургам се исто така потенцијални кандидати.
Трамп претходно изјави дека негов главен критериум за избор на кандидат за потпретседател е „кој ќе биде добар претседател во вонредна ситуација“.
Според „Политико“, поранешниот претседател пред неколку недели на приватна средба ги пофалил Стефаник и Габард и го разрешил сенаторот Скот, наводно велејќи дека можеби не е дораснат за функцијата претседател.
Трамп, сепак, го пофали Скот на состанокот минатата недела.
Порталот наведува дека ова покажува дека списокот „се менува секоја минута“, како и дека Трамп се уште не најде противник на актуелната потпретседателка Камала Харис.
Голем број Американци се неопределени
Претседателските избори во САД се закажани за 5 ноември, а главни кандидати повторно ќе бидат Трамп и актуелниот претседател Џозеф Бајден.
Сепак, голем број Американци, дури 11 отсто од нив, велат дека нема да гласаат за кандидатот на Републиканската или Демократската партија, покажува истражувањето на Ројтерс и Ипсос.
Околу 15 отсто од гласачите посочиле дека ќе гласаат за независниот кандидат Роберт Кенеди Џуниор, додека актуелниот претседател, демократот Џо Бајден има поддршка од 39 отсто од гласачите, а републиканскиот кандидат Доналд Трамп има околу 38 отсто од гласачите.
Се проценува дека Кенеди би можел да им ги одземе гласачите и на Бајден и на Трамп, а во случај само двајцата да бидат изборот, 50 отсто од регистрираните гласачи би гласале за Бајден, а 48 за Трамп, наведува Ројтерс.