Тажната и опасна драма трае веќе една недела во Белгија.
Белгиската полиција и армија, со помош на две соседни земји, Германија и Холандија, седум дена се обидуваат да пронајдат одметнатен професионален војник откако државниот обвинител го окарактеризира како „терорист“.
Јирген Конингс (46) исчезна пред една недела, откако ја завршил смената во касарната. Тој е познат како симпатизер на екстремната десница, а двете писма што ги оставил, едното до полицијата, а другото до својата партнерка, биле доволна причина да алармираат и да започнат невидена операција за пребарување.
Interpol has issued a Red Notice for Jürgen Conings, a heavily-armed Belgian soldier who disappeared after leaving a threatening letter against virologists and politicians pic.twitter.com/j8SqpXSrs5
— BNO Newsroom (@BNODesk) May 23, 2021
По неколкудневно пребарување во шумите на граничната зона кон Холандија и Германија, во регионот Лимбург, полицијата и армијата сега ги насочија своите напори кон Брисел.
Ден пред самитот на ЕУ, за кој се преземаат обемни безбедносни мерки, белгиската полиција затвори една од главните железници во Брисел за неколку часа, бидејќи имаше пријава дека Конинг е виден во близина.
Конингс е вооружен (повеќепати бил наградуван како одличен стрелец), а неговото искуство е огромно – учествувал во операции во БиХ, Косово и Ирак. Полицијата почувствувала дека нешто се случува кога се дознало дека тој ги оставил сите воени одликувања на гробот на неговите родители.
Белгискиот федерален обвинител Фредерик Ван Леу му рече на бегалецот Конингс на фламанската телевизија вчера „да контактира со доверлива личност“, потоа изрази задоволство што „сè уште никој не е повреден“ и посака сето ова да заврши мирно, без жртви.
““The Federal Prosecutor’s Office is convinced that he [Jürgen Conings] is no longer in the National Park at the moment. They also do not know where he is…”https://t.co/bNP6KP5hso
— E.J. Hammon ?? (@RoseDysfunction) May 24, 2021
Поради смртните закани на водечкиот белгиски вируолог Марк Ван Ранст и најавата за нападот врз џамија во Лимбург, обвинителството официјално го води Конинг како „лице осомничено дека е терорист“.
Полицијата подоцна утврди дека еден ден пред бегството, тој бил во близина на куќата на Марк ван Ранст два часа. Овој белгиски вируолог е префрлен на безбедна локација под строга заштита на полицијата, заедно со неговото семејство.
Тој изјави дека ништо нема да го разниша на работа, но додаде дека неговиот 12-годишен син не разбира зошто не може да оди на училиште.
The belgian army, dutch, french and german special forces all have orders to ”shoot to kill” if they encounter Jürgen Conings.
For as long as he is still alive and walks free it shows that the system is so weak and so incompetent that they can’t even find one man.#JurgenConing pic.twitter.com/lUIj4cYeWt— Synth ? (@AgarthanSynth) May 24, 2021
Дневниот весник „Хет Нојсблад“ објави извадоци од прошталното писмо што Конингс и го оставил на својата партнерка.
„Сакам да знаеш дека направив се за да не се случи ова, но не успеав. Не можам повеќе да го сторам ова. Не можам да живеам со лагите што одлучуваат за нашите животи, како треба да живееме. таканаречена политичка елита, сега со поддршка на вирусолози, тие одлучуваат како ќе живееме јас и ти. Тие посеаа семе на омраза и фрустрација повеќе од кога било досега. Знам дека одеднаш ќе станам непријател број еден на државата .Ќе ме бараат и еден ден ќе ме најдат. Подготвен сум за тоа. Полека, но сигурно, работите доаѓаат на свое место и започнав со подготовки. Не е важно дали ќе умрам или не. Ако загинам тоа ќе биде мојот начин. Ќе ги живеам последните денови онака како што сакам“, напишал Конингс.
Letter from fugitive to family: A possible suicide note?https://t.co/MRljsjjoYu#Belgium Jürgen Conings
— Bob Jackson (@1st_infantry) May 22, 2021
Еден од главните команданти на белгиската армија, генерал Марк Тис, рече дека е разочаран што има и такви меѓу војниците кои го поддржуваат Конинг.
Дури 25.000 корисници на Фејсбук, според белгиските медиуми, го поддржале војникот во бегство.
Генералот Тис предупредува дека ова не е „филмска приказна“ и дека нема херои:
„Конингс, без оглед на минатото во армијата, ја прекршил својата заклетва со својот чин и неговите дела не можат да бидат оправдани со ништо“, рече Тис.