До неодамна, шефот на приватната армија на Вагнер, Евгениј Пригожин, беше виден во Русија за прв пат откако минатиот месец одлучи за вооружен бунт против претседателот Владимир Путин.
Тој беше во Санкт Петербург, каде се одржа самитот Русија-Африка, а подоцна на маргините се дружеше со пратеникот на Централноафриканската Република, земјата во која Пригожин долги години работеше со Вагнер, дознава Си-Ен-Ен.
Фотографијата на Пригожин и пратеникот е направена во хотелот Трецини Палас, каде што Пригожин има канцеларија.
Самиот хотел беше едно од местата кои руските власти го пребараа на 6 јули, веднаш по неуспешното востание.
Оттогаш, Пригожин е виден во јавноста дури на 19 јули, наводно во Белорусија.
Нејзиниот претседател, Александар Лукашенко, долгогодишен сојузник на Путин, беше личноста која застана во одбрана на Пригожин во таа приказна, но оваа нова информација некако фрла сомнеж врз целата приказна околу бунтот и сè што се случи потоа.
Бидејќи, типично личност која претпочита да дејствува во сенка, Пригожин и неговите борци беа ставени во центарот на вниманието со почетокот на руската инвазија на Украина.
Тогаш луѓето почнаа да истражуваат и да пишуваат подетално за него, а и тој се промени и се појави во јавноста како рок ѕвезда.
Инаку, Пригожин и Путин се познаваат уште од деведесеттите години на минатиот век.
Наеднаш се збогатил, многу лесно поради тоа блиско познанство, а станал олигарх откако склучил ненадејно профитабилни угостителски договори со Кремљ, поради што го добил прекарот „готвачот на Путин“.
Неговата очигледна трансформација во брутален воен лидер дојде по сепаратистичкото движење поддржано од Русија во 2014 година.
Тој потоа го основа Вагнер, според официјалните информации, кој се борел секаде каде што Русија имала интереси.
Се разбира, во официјална смисла, работата на Вагнер не можеше да се поврзе со руската, иако сега е сосема јасно дека меѓу нив постои знак на еднаквост.
Платениците на Вагнер се бореа, освен во Централноафриканската Република и Украина, во Судан, Либија, Мозамбик и Сирија.
Со текот на годините, тие стекнаа ужасна репутација и беа поврзани со повеќекратни прекршувања на човековите права.
На моменти, силите на Вагнер се чинеше дека се единствените на руската страна кои ги добиваа битките со Украинците.
Но, Пригожин стана крајно критичен кон руското воено раководство и поддршката што таа им ја пружи на неговите трупи неколку месеци пред востанието.
Во едно особено мрачно видео од почетокот на мај, Пригожин застана до куп мртви вагнерови борци и жестоко го критикуваше рускиот министер за одбрана Сергеј Шојгу и шефот на руските вооружени сили, генерал Валериј Герасимов.
„Крвта е се уште свежа. Дојдоа овде како доброволци и умираат за да можете да седите како дебели мачки во вашите луксузни канцеларии“, обвини тој во видеото и покажа на лешовите.
Аналитичарите тврдеа дека ова е почеток на неговиот крај, по бунтот тврдеа дека ќе биде убиен или затворен, но очигледно тој живее безгрижно во Русија и се уште има моќ.
Не се знае колку, но некако е јасно дека тој неповратно не ги прекинал врските со Путин.
Што покренува многу прашања за кредибилитетот на она што се случило меѓу нив, односно Вагнер и Русија.
Сите информации поврзани со најновите случувања со војната во Украина можете да ги прочитате ТУКА.