Врховниот воен командант на Украина, генерал Валериј Залужни изјави дека војната со Русија преминува во нова фаза на статични и исцрпувачки борби, што, предупреди, може да биде од корист за Москва и да ѝ овозможи да ја врати воената моќ.
Во напис за Економист, Залужни рече дека на украинската армија ѝ се потребни клучни нови воени капацитети и технологија, од кои најважно е воздушното воено засилување, со цел да излезе од новата фаза на војната, која влезе во 21-от месец.
Интервјуто што го даде за угледно списание беше објавено по речиси пет месеци од големата украинска контраофанзива, со која украинската армија не успеа да направи значителен пробив кон силно минираните руски одбранбени линии или да го постигне очекуваното забавување на борејќи се во моментот кога сме на прагот на зимата.
„Западните резерви на оружје се покажаа недоволни со оглед на долгите руски мински полиња“
Со оглед на тоа што руските трупи се во офанзива во делови од источниот дел на земјата, Киев стравува дека Москва планира да започне кампања со воздушни напади за да ја оневозможи електричната мрежа, оставајќи милиони жители во мрак и без топлина среде зима.
Залужми рече дека верува оти Украина мора поефикасно да ја уништи руската артилерија и да осмисли подобра технологија за пробивање на руските линии за минска одбрана.
Тој додаде дека залихите на оружје на Западот се покажале недоволни со оглед на долгите руски мински полиња.
Во некои области тие се протегаат до 20 км.
„Тоа ќе биде од корист за Русија“
Тој остро ја опиша опасноста од фаза на исцрпувачки борби.
„Ова ќе биде од корист за Русија. Тоа ќе ѝ овозможи да ја врати својата воена моќ, што на крајот ќе им се закани на украинските вооружени сили и на самата држава“.
Тој рече дека приоритет за Украина е зајакнување на резервните сили, иако Украинците имаат ограничен капацитет да ги обучуваат во земјата.
„Се обидуваме да ги решиме овие проблеми. Воведуваме единствена евиденција на регрути, а мора да ја прошириме и категоријата на граѓани кои ќе можеме да ги поканиме на обука или мобилизација“, рече Залужни.
Сите информации поврзани со најновите случувања со војната во Украина можете да ги прочитате ТУКА.