Некои луѓе го започнуваат утрото со чаша сок од портокал или млака вода, но повеќето избираат кафе или чај за првиот утрински пијалок. Оние кои пијат кафе, како и оние кои пијат чај имаат тенденција да тврдат дека пијалокот што го избираат е најдобар. Сепак, често се поставува прашањето кој од нив е навистина подобар и поздрав.
Содржината на кофеин во различните чаеви и кафиња ќе се разликува во зависност од времето и начинот на подготовка, пишува „Mindbodygreen“.
За да добиете општа идеја и можеби полесно да одберете со што да го започнете новиот ден, ви пренесуваме информации за тоа кој пијалок содржи исто толку кофеин.
Нивото на кофеин за кое станува збор се заснова на една шолја од пијалокот: обичното црно кафе содржи 96 милиграми кофеин, додека лесната варијанта на овој пијалок има 86,4. Леденото кафе содржи помалку кофеин -74,4 милиграми.
Црниот чај содржи 48, додека зелениот содржи 28,8 милиграми кофеин. Ако консумирате кафе без кофеин, тоа содржи до 15 mg кофеин. Билните чаеви не содржат кофеин. Кога ќе се споредат податоците, очигледно е дека повеќето пијалоци од кафе содржат повеќе кофеин од чајот – дури и во случај на одредени пијалоци без кофеин.
Кафето е добар извор на антиоксидантни полифеноли и кофеин, и сите тие поддржуваат подобро когнитивно функционирање и може да го намалат ризикот од губење на меморијата. Покрај антиоксидансите, како што е антиинфламаторното соединение хлорогена киселина, кафето има корисен ефект и врз здравјето на мозокот, црниот дроб и метаболизмот.
Всушност, истражувањата покажуваат дека жените кои пијат две до три шолји кафе секој ден имаат помалку телесни масти од оние кои ретко пијат кафе.
Но, чајот има и многу здравствени придобивки – од смирување на гадење, до ублажување на главоболки и ублажување на варење.
Слично на кафето, чајот има антиинфламаторни својства и е богат со антиоксиданси. Некои истражувања, исто така, ги поврзуваат состојките во зелениот чај со подобро кардиоваскуларно здравје.
Кафето и чајот се богати со антиоксиданси и можат да придонесат за подобар метаболизам. Поради поголемата содржина на кофеин во кафето, трудниците и сите кои се трудат да го намалат внесот на кофеин во организмот, експертите препорачуваат да изберете некој билен чај за првиот утрински пијалок.