Група од 70 украински војници пристигнаа во Германија во вторник за да учествуваат на обука за користење на моќниот систем за противвоздушна одбрана Патриот, кој Берлин ќе ѝ го стави на располагање на Украина за да помогне во одбраната од руските воздушни напади.
Според безбедносни извори во Берлин, обуката на украинските војници треба да започне денеска. Германската влада, по консултации со САД, во јануари се согласи да го пренесе системот за воздушна одбрана „Патриот“ на Украина за да ја поддржи земјата додека се брани од руските напади.
Патриот распоредени во Полска
Во меѓувреме, системите Патриот распоредени во Полска, која граничи со Украина, „првично се оперативно подготвени“, објави вчера Оперативната команда.
По ракетниот напад на полска територија во ноември, тогашната германска министерка за одбрана Кристин Ламбрехт и нејзиниот полски колега Мариуш Блашчак се согласија трите германски системи за противракетна одбрана Патриот да бидат распоредени во Полска.
Германски војници се стационирани во Полска, членка на западната одбранбена алијанса на НАТО, од 16 јануари за да обезбедат безбедно доставување на системот.
Целта на мисијата е заштита на воздушниот простор на НАТО, како и на полската територија и инфраструктурата и населението на земјата.
Сите информации поврзани со најновите случувања со војната во Украина можете да ги прочитате ТУКА.