ТикТок и Нетфликс во неделата објавија дека ги прекинуваат своите услуги во Русија, откако рускиот претседател Владимир Путин во петокот потпиша закон со кој ширењето „лажни вести“ ќе се казнува и до 15 години затвор.
Немаме друг избор освен да го прекинеме преносот во живо и новите содржини на нашиот видео сервис додека ги разгледуваме безбедносните импликации на овој закон, објави социјалната мрежа во серија објави на Твитер. Тие додадоа дека тоа нема да влијае на пораките во апликацијата.
Владата на САД во саботата го осуди новиот закон за медиуми во Русија кој се заканува до 15 години затвор за ширење, како што вели Кремљ, „лажни вести“.
Нетфликс и PricewaterhouseCoopers (PwC) исто така го прекинуваат својот бизнис во Русија.
Со оглед на околностите на теренот, решивме да ја прекинеме нашата услуга во Русија, изјави портпаролот на Нетфликс. Тие веќе најавија дека ќе ги прекинат идните проекти и превземања во таа земја.
Во меѓувреме, PwC најави дека планира да ја исклучи својата руска компанија од пошироката мрежа.
Одлучивме дека, во овие околности, PwC не треба да има филијала во Русија и затоа PwC Русија ќе ја напушти мрежата, рече претседателот на глобалната компанија Боб Мориц.
Во соопштението се додава дека PwC ќе ги поддржи хуманитарните напори во Украина.