Писмото на Алберт Ајнштајн од 1954 година, во кое тој го сумира своето мислење за Господ, беше продадено на аукција во Њујорк за скоро 2,9 милиони долари, надминувајќи ги очекувањата на аукциската куќа.
„Ова многу искрено приватно писмо било напишано една година пред смртта на Ајнштајн и денес претставува најдобро изразено гледиште за неговите религиозни и филозофски ставови“, велат од аукциската куќа „Кристи“, според која „Писмото за Бога“ ќе се продаде за 1,5 милиони долари.
Сепак, се покажа дека е многу повредно.
Ајнштајн му го напишал ова писмо на германско-еврејскиот филозоф Ерик Гуткинд, како одговор на книгата на Гуткинд од 1952 година во која тој пишувал за јудаизмот, Израел и современото време.
Во него тој зборува за неговиот еврејски идентитет и дава целосно искрено и голо мислење за верата.
Тајната на Ајнштајн за среќен живот е во две реченици
„Зборот Бог за мене не е ништо друго туку израз и производ на човечка слабост. Библијата е збирка легенди, можеби достојна за почит, но сепак прилично примитивна”, напишал Ајнштајн, додавајќи дека ниту едно толкување, колку и да е суптилно, не може да се промени неговиот став.
Тој исто така напишал дека го сака и почитува својот народ, но не верува дека бил „избран“.
„Еврејската вера, како и сите други вери, е олицетворение на суеверие кај децата. Јас не гледам ништо „избрано” во нив”, напишал нобеловецот, кој тогаш бил на Универзитетот Принстон во Њу Џерси.
Писмото на една и пол страница се смета за еден од клучните текстови во дебатата за односот помеѓу науката и религијата и претставува најјасно изразено гледиште на научниците за универзалното барање на смислата на животот.