Хеликоптерите на Министерството за внатрешни работи на Република Србија, кои беа ангажирани за гаснење на пожарот во селото Дренак во општината Старо Нагоричане, од утрово имале 21 налет и испуштиле околу 25 тони вода.
– По наредба на претседателот на Република Србија, Александар Вучиќ, четири хеликоптери на Министерството за внатрешни работи, три противпожарни, од кои два „бел“ и Х-145 се испратени да им помогнат на колегите од Северна Македонија и населението, додека четвртиот „газела” се користи за извидување и насочување, стои во објавата на српското Министерство за внатрешни работи.
Инаку пожарот во Дренак е изгаснат, но постои опасност од негово повторно разгорување. Изгорени се 14 куќи и селското училиште.
Никола Ивановски