Пожарот во селото Дренак во општината Старо Нагоричане кон Отошница – општина Ранковце, моментално е локализиран, но постои опасност од повторно активирање, информираат од Центарот за управување со кризи.
За таа цел, велат оттаму е неопходен постојан надзор и контрола од шумски работници на ЈП НШ подружница Куманово.
Во гаснењето на пожарот биле ангажирани 13 војници и 7 пожарникари од општина Ранковце.
Околу 07:30 испратени биле и четири хеликоптери од Република Србија и 25 војници од кои 13 во селото Дренак а 12 во селото Вржогрнци – општина Ранковце.
Од вчера до сега во селото Дренак изгореле 14 куќи и 1 школо.
Шумски пожар во почетна фаза има во реонот на селото Алинце кон селото Брешко. Екипите се упатени на терен, велат од ЦУК.
Никола Ивановски