Швајцарскиот банкарски гигант UBS го финализираше купувањето на својот поранешен конкурент Credit Suisse, објави банката во отворено писмо објавено денеска во швајцарскиот дневен весник NZZ.
„Го финализиравме легалното преземање на Credit Suisse“, соопшти банката, додавајќи дека тоа е „почеток на новото историско поглавје за новиот ентитет“.
Откупот создава мегабанка која никогаш порано не постоела во Швајцарија.
Нејзината големина ги загрижува и политичките претставници.
Илјадници работни места би можеле да исчезнат само во Швајцарија поради дуплирање по спојувањето на банките.
Credit Suisse Bank, втората по големина банка во Швајцарија, стана несолвентна преку ноќ во март поради низа лоши инвестициски одлуки и стравот од клиентите кои во паника ги повлекле своите заштеди.
Швајцарските власти, со поддршка на централната банка и финансиските регулатори, се согласија да го продадат Credit Suisse на UBS за 3,25 милијарди долари.
Спојувањето отвора голема работа за UBS, која во отворено писмо го нагласи својот конзервативен пристап кон ризикот и рече дека нема да прави компромиси.
Шефот на швајцарската народна банка, Томас Џордан смета дека друго решение немало.
„Се разбира, срамота е што сега остана само една (голема банка). Но, сигурен сум дека доколку не успееше купувањето на банката од страна на УБС, ќе имаше меѓународна криза, а ќе беше уште полошо. за Швајцарија“, рече тој.