Ако сеуште се плашите од вакцинација, можеби овој текст ќе ви разјасни некои работи – еве што се случува во телото кога ја примате вакцината против корона.
Светот се бори со пандемијата на ковид повеќе од година и пол, вакцините се достапни со месеци, но некои луѓе сeуште се плашат да се вакцинираат. Премногу информации за тоа како функционираат вакцините, исто така, придонесуваат за тој страв, а некои од тие информации е тешко да се разберат, затоа еве едно едноставно и разбирливо објаснување.
Како функционираат вакцините
Најважното нешто што треба да се разбере за вакцините е тоа што тие го учат вашето тело како да биде подготвено да се бори против инфекцијата без всушност да го навлезе вирусот во вашето тело.
Вакцините „Фајзер“ и „Модерна“, функционираат на ист начин, фокусирајќи се на корона протеинот. За да стане појасно што е корона протеин, замислете го вирусот корона како една топка, која има испакнатини сама по себе, а тие испакнатини се токму протеините.
Овие испакнатини или протеини овозможуваат вирусот да влезе во клетките за да се размножи, а тоа се прави со „прикачување“ за рецепторите во човечките клетки – особено за клетките во белите дробови. На овој начин, вирусот ги „напаѓа“ здравите клетки и ги инфицира.
Фајзер и Модерна функционираат така што го упатуваат телото да произведува протеини, и пренесува информации преку молекулите на РНК. Оваа молекула изгледа како парче лента со упатства за правење протеини.
Главната разлика помеѓу Фајзер и Модерна и другите вакцини – кинески Синофарм и руски Спутник, е дека првите две ги пренесуваат сите потребни информации за протеинот преку молекулите на РНК, додека другите две ги пренесуваат преку ДНК.
Што се случува кога вакцината влегува во телото
Кога вакцината се инјектира во телото, РНК или ДНК (во зависност од тоа која вакцина се дава) се апсорбираат од ткивни клетки и специјални имунолошки клетки во мускулите, кожата и органите, и овие клетки се нарекуваат дендритични. Ги „следат“ сите клетки во телото и се грижат да не се појави натрапник, како што е вирусот корона.
Штом ДНК или РНК стигнат до дендритичните клетки, им се наложува да направат протеин, и овој процес обично трае помалку од 12 часа. После тоа, овие протеини се подготвени да бидат „прикажани“ на имунолошкиот систем, а клетките се распаѓаат и ја елиминираат РНК или ДНК.
Важно е да се знае дека иако имунолошките клетки создале протеини, тие немаат доволно информации за да направат копии од целиот вирус. Но, овој протеин може да го стимулира имунолошкиот систем да ја зајакне својата одбрана, така што ќе биде подготвен доколку вирусот корона влезе во телото.
Кога ткивните клетки и дендритичните клетки препознаваат протеин на натрапници, клетките испраќаат делови од протеинот, така што сега другите клетки можат да го детектираат вирусот. Дендритичните клетки исто така испраќаат предупредувачки сигнал за да ги предупредат другите дека овие натрапници се закана.
Благодарение на овој процес, телото сега е во состојба на подготвеност и е подготвено да научи да се бори против натрапниците – во овој случај протеините што се направени по инјектирањето на вакцината против Ковид -19.
