Одлуката на Кина да го суспендира издавањето на краткорочни визи за граѓаните на Јужна Кореја е длабоко жалење, изјави денеска јужнокорејската министерка за надворешни работи Парк Џин.
Парк на брифинг со новинарите рече дека Јужна Кореја продолжува да издава визи за посетители од Кина за итни деловни или хуманитарни цели, пренесе Ројтерс.
Кинеската амбасада во Јужна Кореја го суспендираше издавањето на краткорочни визи, што е прв одмазднички потег на Кина против земјите кои наметнуваат негативни тестови за корона на патниците од Кина како услов за влез.
Минатата недела, Јужна Кореја воведе покажување негативен ПЦР тест за корона вирусот како услов за влез на патници од Кина. На почетокот на декември, Кина почна да ја укинува својата стратегија за нулта толеранција за коронавирусот, вклучително и повеќето ограничувања за патување во странство.
Поради зголемениот број на заболени од корона во Кина, многу земји ширум светот бараат патниците од Кина да имаат негативен тест за корона за да им биде дозволен влез во тие земји.