Пентагон планира да го удвои бројот на украински војници кои се обучуваат во базата во Германија, изјавија двајца американски воени претставници за Њујорк Тајмс.
Бајден треба да ја потпише одлуката оваа недела, а со неа американските инструктори од почетокот на следната година месечно ќе обучуваат баталјони од 600 до 800 војници.
Со оглед на тоа што САД во моментов тренираат во просек по 300 Украинци месечно во германски камп, Тајмс наведува дека ова е големо зголемување.
Од почетокот на војната во февруари, Соединетите држави обучија вкупно 3.100 украински војници, главно во мали групи, да работат на специфично оружје како што се артилериските системи.
Понапредни тактики
Пентагон обучи 610 украински војници за употреба на артилериски ракетни системи со висока мобилност, или ХИМАРС, напредни ракетни фрлачи.
Украинските трупи ги користеа фрлачите за да погодат цели далеку зад непријателските линии, вклучувајќи складишта за муниција, командни пунктови и мостови.
Како дел од проширената програма, американските инструктори ќе учат поголеми групи украински војници понапредни тактики на бојното поле, вклучително и „колективна обука“, како што е координирање на копнените пешадиски маневри со артилериска поддршка.
Зимата го забави темпото
Новиот режим на обука треба да се одржи во базата на американската армија во Графенвоер, Германија, каде што Пентагон исто така спроведува сопствена обука за комбинирано вооружување.
Украинците во моментов се многу претпазливи околу повлекувањето на мнозинството војници од линијата на фронтот, поради што ги испраќаат на обука во помали групи.
Сепак, имајќи предвид дека зимата го успорува темпото на војување во многу делови од земјата, во следните неколку месеци има поголеми можности за обука на повеќе баталјони.
Сите информации поврзани со најновите случувања со војната во Украина можете да ги прочитате ТУКА.