Руски воен блогер го прогласи Владимир Путин за „политички труп“ по вчерашниот говор на рускиот претседател за состојбата на нацијата, пренесува Sky News.
Според друг руски воен блогер, претседателот не ги спомнал руските воени порази во вчерашното обраќање до нацијата и светот, но не ги навел експлицитно воените цели на Русија.
Провоените блогери кои имаат илјадници следбеници успеаја да избегнат драконска цензура.
Меѓу нив има анонимни блогери, но и новинари кои се во Украина со руските сили.
„Путин како политичар е труп“, објави воениот блогер Анатолиј Несмјан, додавајќи: „Тој не може да ја процени ситуацијата, да ги нагласи основните противречности и да понуди адекватно решение за проблемот“.
Единствената вистинска вест што произлезе од речиси двочасовниот говор на Путин – суспензијата на учеството на Русија во договорот за контрола на нуклеарното оружје – беше опишана од рускиот блогер и поранешен офицер на ФСБ Игор Гиркин како „симболична, но безначајна за војната“.
„Тој кажа многу малку конкретно“
Американскиот одбранбен и безбедносен тинк-тенк Институтот за проучување на војната (ISW) ја прогласи одлуката на Путин да го суспендира договорот „обид за повторно воведување нуклеарна реторика во информативниот простор за да се компензираат загубите на бојното поле“.
Говорот на Путин на сличен начин го опишаа и некои руски воени блогери, кои наведуваат дека Путин можел да го искористи моментот за да објави формална мобилизација, официјална објава на војна или најава за промени во руската одбранбена индустрија.
„Путин кажа многу малку конкретно. Фактот што тој не прецизираше конкретни цели и рокови, додека ја опишува војната како егзистенцијална за руското население, сугерира дека тој поставува информативни услови за долга војна во Украина“, вели ISW.
Пригожин тврди дека не го ни гледал говорот
Шефот на озлогласената руска платеничка група Вагнер, Евгениј Пригожин, тврди дека не го ни гледал говорот на Путин затоа што бил „зафатен со набавка на муниција“ за своите платеници.
Вчера, непосредно пред говорот на Путин, Пригожин го обвини руското Министерство за одбрана дека негира муниција на неговите сили, кои се обидуваат да го заземат украинскиот град Бахмут.