Две подморници на руската Пацифичка флота во Јапонското Море извршија вежба за напад со торпедо против лажна непријателска подморница, соопшти службата за односи со јавноста на флотата.
Вежбата се одржа во согласност со планот за борбена обука на флотата, пренесува Танјуг, повикувајќи се на Интерфакс.
На 14 април Русија започна ненадејна проверка на Тихоокеанската флота, која беше поставена на највисоко ниво на подготвеност, како дел од инспекцијата насочена кон зајакнување на одбранбените способности.
„Зголемена способност на вооружените сили“
„Главната цел на таа инспекција е да се зголеми способноста на вооружените сили да ја одбијат агресијата на веројатниот непријател од правец на океанот и морето“, изјави тогаш Шојгу на државната телевизија.
За време на таа вежба, беше симулирано непријателско слетување на рускиот остров Сахалин и неговите јужни Курилски острови, од кои некои претендирани од Јапонија во територијалниот спор датира од крајот на Втората светска војна.