Американските стратези ги спонзорираат терористичките планови на Киев, а воената помош на Вашингтон за Киев води само до уште поголеми страдања и смрт, изјави рускиот амбасадор во Вашингтон Анатолиј Антонов.
„Активностите на Вашингтон, кој продолжува да им пумпа оружје на своите украински марионети, ги надминуваат границите на моралот и здравиот разум. САД се обидуваат да се прикажат како несебичен добротвор на Украина. Лицемерно зборуваат за „помагање“ на републиката. Тие манипулираат со јавното мислење, криејќи ги вистинските цели на нивната политика“, напиша Антонов на Телеграм, коментирајќи ја одлуката на американската администрација да му испрати на Киев нов пакет воена помош во износ од 400 милиони долари.
Како што додава, муницијата и проектилите, платени со милијарди долари од џебовите на американските даночни обврзници, „ќе ги претворат градовите и полињата во урнатини, полни со неексплодирана муниција и уништени животи“.
– Откако тргна по патот на војната, Вашингтон не може да запре. Наместо трезвено да ги оценуваат настаните, локалните стратези ги спонзорираат терористичките планови на киевските криминалци – рече амбасадорот.
Тој потсети дека продолжуваат нападите на мостот на Крим, кој не е воен објект, бидејќи долго време не се користи за транспорт на товар за вооружените сили на Русија.
– Уште колку американски пешадиски борбени возила „Бредли“ треба да изгорат за американското раководство конечно да сфати дека обидите за освојување на нашата земја на бојното поле ќе доведат само до еден – неславен пораз на русофобите? – рече Антонов.
Потсетуваме дека ноќта на 17 јули, режимот на Киев изврши напад на мостот на Крим користејќи два брода без екипаж.
Во таа прилика загинаа две лица, брачна двојка, а повредена е нивната малолетна ќерка.
Тоа е втор напад за помалку од една година.
Во октомври 2022 година, камион експлодираше на мостот на Крим, како резултат на што се запалија седум цистерни со гориво.
На мостот дошло до делумно уривање на две ленти за автомобили. Рускиот претседател Владимир Путин тогаш изјави дека извршители и нарачатели на овој инцидент биле специјалните служби на Украина.
Сите информации поврзани со најновите случувања со војната во Украина можете да ги прочитате ТУКА.