Комерцијалните радио станици во делови на Русија емитуваа лажно предупредување за воздушен напад и можен ракетен напад откако нивните сервери биле хакирани, соопшти денеска руското Министерство за вонредни ситуации.
Веста за лажното предупредување утрово се прошири низ социјалните мрежи. Не е јасно кој стои зад наводното хакирање.
„Поради хакерски напад врз голем број комерцијални радио станици во некои региони, беше објавена информација за наводна најава за воздушна опасност и закана од ракетен напад“, објави Министерството на својот канал Телеграм.
„Таа информација е лажна и не соодветствува со реалноста. Ве молиме побарајте информации од официјални извори“, се вели во соопштението на Министерството.
Fascinating! An air raid siren started blaring through a radio station in Kazan, Russiapic.twitter.com/cl1xHqPM0j
— Olga Lautman 🇺🇦 (@OlgaNYC1211) February 22, 2023