Долгоочекуваното снимање на продолжението на серијата „Пријатели“, кое беше одложено заради пандемијата на коронавирус, ќе започне следниот месец. Ова го потврди Дејвид Швимер, или Рос Гелер, во шоуто на Енди Коен.
– За нешто повеќе од еден месец, одам во Лос Анџелес, каде започнуваат снимањата. Конечно сфативме начин како безбедно да го снимиме и ќе има делови што ќе ги снимаме надвор поради безбедносните протоколи – рече Дејвид и ги воодушеви обожавателите на серијата.
За време на интервјуто, Швимер откри и дека Елен Деџенерис нема да го претстави собирањето, и покрај претходните најави дека ќе биде нејзин гостин. Собирот ги вклучува оригиналните актери: Џенифер Анистон, Кортни Кокс, Лиза Кудроу, Мет Лабланк, Метју Пери и Дејвид Швимер.