19.06.2018 10:43

Променливо облачно со локална нестабилност


Променливо облачно со повремени врнежи од дожд кои локално ќе бидат поројни и
проследени со грмежи, а особено попладне, е прогнозата која ја најавуваат за денеска од Управата за хидрометеоролошки работи.

Поголема количина на воден талог се очекува во југозападните делови. Максимална температура ќе се движи во интервал од 24 до 32 степена. Индексот на УВ зрачењето ќе има коефициент шест.

Во Куманово и околината ќе преовладува сончево до умерено облачно време, со можност за локална нестабилност во попладневните часови проследена со дожд и грмотевици. Максималната дневна температура ќе достигне 26 степени.

Утре и во четврток ќе биде сончево со мала до умерена облачност, а попладне ќе има изолирана појава на краткотраен дожд и ретки грмежи. Од сабота се очекува промена на временската состојба, ќе дува северен ветер и ќе предизвика пад на температурата, а сеуште ќе има локални врнежи од дожд.


© Крадењето авторски содржини е забрането со закон. Преземањето на текстови, изјави или фотографии во авторска сопственост на порталот Кумановски Муабети е дозволено делумно, со задолжителен хиперлинк до содржината која се пренесува.

Последни наслови

Facebook Comments