Времето денес ќе биде претежно облачно со повремен дожд, информираат од Управата за хидрометеоролошки работи.
Повеќе врнежи се очекуваат претпладне и кон крајот на денот во западните делови од земјава. Ќе дува умерен ветер а наместа засилен ветер од југоисточен правец, наместа особено во Пелагонија ќе се засилува и се очекува да достигне до околу 70 км/час. Минималните температури ќе се движат од 4 до 11 степени, додека максималните дневни ќе бидат во интервал од 10 до 16 степени целзиусови.
Врнежливо време ќе имаме и во кумановско, ќе дува умерен ветер од југоисточен правец, а максималната дневна температура ќе достигне 15 степени.
Повремени локални врнежи од дожд ќе има в сабота особено во западните делови од земјава. А од недела до среда следува период на стабилно, суво и потопло време. Потоа, од четврток повторно се очекуваат врнежи од дожд и опаѓање на температурата на воздухот.