Времето денеска во Македонија ќе биде променливо облачно, попладне со повеќе сончеви периоди, информираат од Управата за хидрометеоролошки работи.
Ќе има појава на краткотраен локален дожд и грмежи. Ќе дува слаб до умерен ветер претежно од западен правец.
Минималната температура ќе биде во интервал од 10 до 16, а максималната ќе достигне од 23 до 30 степени.
Во Куманово и околината денеска ќе имаме сончево до умерено облачно време. Во попалдневните часови е можна појава на врнежи и грмежи. Максималната дневна температура ќе достигне 25 степени.
Во петок ќе има преодно стабилизирање на времето, а тогаш ќе почне да дува и умерен до засилен јужен ветер, кој ќе се задржи и во следните денови.
Под влијание на влажен бран во сабота ќе биде облачно со пообилни врнежи од дожд, кои на места ќе бидат поројни, проследени со грмежи и силен ветер.
Температурата значително ќе се намали. Во недела и понеделник ќе биде променливо облачно и се уште ветровито со појава на локални врнежи од дожд, додаваат од УХМР.