Последиците од катастрофалниот земјотрес во Турција и Сирија се несогледливи, а секојдневно стигнуваат вести за трагично повредените чии тела се наоѓаат под урнатините.
Турската боречка федерација ги растажи сите со објавата дека животот го загубиле четворица борачи. Тие издадоа соопштение во кое целата ситуација ја нарекоа „катастрофа на векот“.
„Според последните информации, со голема тага ве известуваме дека починаа нашите синови Ерај Шимшек, Халил Ибрахим Едирне, Хасан Озантурк и Ахмет Дурман, кои беа под урнатините во Кахраманмарас. Сочувство до нашата заедница и нашите сакани луѓе“, се вели во соопштението.
Enkaz Altındaki Sporcularımız Hakkında Bilgilendirmehttps://t.co/o0R8d0AxPW pic.twitter.com/Vq4AUiC7uQ
— Türkiye Güreş Federasyonu Başkanlığı (@TRguresFed) February 10, 2023
Тие објавија дека осуммина од нив се спасени, а се бараат уште четворица.
Повеќе од 24 илјади луѓе загинаа во катастрофалниот земјотрес што во понеделникот ги погоди Турција и Сирија.
Претседателот на Турција, Реџеп Таип Ердоган соопшти дека во серијата земјотреси се повредени повеќе од 77.000 луѓе, а оние со најтешки повреди се префрлени во болниците во Истанбул.
Сите информации поврзани со најновите случувања во Турција можете да ги прочитате ТУКА.