Студент од Охајо се искачил на бандера, веројатно во обид да се докаже пред група колеги на забава, а потоа случајно допрел до високонапонски кабел. Тој паднал од висина од 15 метри на земја и некако ги преживеали електричниот удар и падот.
Видеото, кое кружи на социјалните медиуми, прикажува маж како пие пиво, а потоа започнува да се искачува кон врвот на бандерата. Кога го достигна врвот, се чинеше дека го допрел кабелот со висок напон, предизвикувајќи огромна искра.
За време на секунда, високиот напон се чинеше дека го парализира пред да падне на земја.
Тој бил пренесен во болница, лекарите се бореле за неговиот живот и за некое чудо тој успеал да преживее.
Подоцна, на Твитер се појави молба за помош од корисник по име Тилер Ашер, кој тврди дека е човекот од видеото. Тој на социјалните мрежи објави линк од сајтот Гофундм каде се организира прибирање средства за третман за лекување.
„Мразам да го сторам ова, но немам друг избор додека лежам без работа. Јас скршив три коски во левата нога. Една фрактура е отворена. Имам скршеница на десната рака и четири ‘рбетни пршлени. Исто така, имам многу изгореници. Ќе бидам без работа најмалку осум или повеќе недели , така што сè може да помогне“, вели тој.
Hate doing this but I don’t have a choice while I’m out of work.. https://t.co/QnQWheXrKq pic.twitter.com/5TeHcFjFIN
— Tyler ? (@TylerUher97) September 16, 2019
Веб-страницата наведува дека дури 100.000 американски долари се потребни за лекување, но собрани се само 895. Еден од сведоците на настанот бил студентот, Тилер Розен, кој за NBC4 раскажал што се случило кога момчето падна од банда.
„Бев потресен. Се обидов да му помогнам. Не знаев што да правам. Мислев дека е мртов. Нема објаснување за тоа како преживеал“, рекол тој.