Мексико Сити, главниот град на нацијата со 128 милиони жители, е „најповрзаниот град во светот“ во однос на бројот на јавни и бесплатни wifi жаришта, објави Гинисовата книга на рекорди.
Сертификатот и беше предаден на градоначалничката Клаудија Шејнбаум (лево), која би можела да стане првата претседателка во историјата на Мексико на изборите во 2024 година.
Мексико Сити, дом на 9,2 милиони луѓе, има 21.500 јавни и бесплатни места за поврзување на интернет, изјави портпаролот на Гинис за Латинска Америка Карлос Тапија на церемонијата на споменикот на Ангелот на независноста во центарот на градот.
Тоа е награда за политиката „право на интернет за сите“, рече Шејнбаум, мислејќи на сиромашните семејства кои не можат да си дозволат претплата.
Мексико, 15-та по големина економија во светот, има 55 милиони сиромашни или 43,9 отсто од населението, 3,8 милиони повеќе отколку во 2018 година, покажуваат владините бројки.