Поранешниот одгледувач на шеќерна трска во Порторико влезе во Гинисовата книга на рекорди како најстариот жив маж во светот, само неколку недели пред прославата на неговиот 113 роденден.
Емилио Флорес Маркез е роден на 8 август 1908 година во Каролина, Порторико.
Во средата, кога официјално влезе во Гинисовата книга на рекорди, имаше 112 години и 326 дена.
Маркез, второто најстаро дете на 11-те во семејството, бил задолжен за многу домашни работи додека растел и помагал во грижата за неговите помлади браќа и сестри.
Како најстар син, тој исто така помагал во фармата шеќерна трска на неговиот татко.
Од рана возраст ги напојувал растенијата и ги товарал трските во вагони, пишува Си-Ен-Ен.
Подоцна продолжил да одгледува шеќерна трска и со тоа го издржувал семејството.
Тој бил во брак со Андреа Перез 75 години, сè до нејзината смрт во 2010 година. Тие имале четири деца. Емилио Саада има и пет внуци и пет правнуци.
A former sugar cane farmer in Puerto Rico has been confirmed as the world’s oldest man by Guinness World Records, just a few weeks shy of his 113th birthday. https://t.co/2LcjJQG9bK
— CNN Philippines (@cnnphilippines) July 4, 2021
Маркез, кој речиси целосно го изгубил слухот, инсталирал пејсмејкер (срцев пејсмејкер) кога имал 101 година. Сега е во добра здравствена состојба.
Негов претходник во записот како најстар човек беше Романецот Димитри Команеску, кој почина на 27 јуни 2020 година на возраст од 111 година и 219 дена.
Во моментов, најстарата жива личност на Земјата е 118-годишната Кејн Такана, која живее во дом за стари лица во Јапонија.