Далеку е поголема од нејзините роднини и се разликува по тоа што има ДНК складирана во мембранската кеса, за разлика од другите бактерии за кои генетскиот материјал е неврзан и слободно лебди во клетката.
Оваа џиновска бактерија може да порасне и до два сантиметри во должина.
Овој едноклеточен организам, за кој научниците го предложија името Thiomargarita magnifica, се разликува од прокариотите, на кои им припаѓаат некои бактерии, но и од еукариотите, посложени организми на кои припаѓаат и други видови бактерии, но и габи, цицачи, инсекти…
Научниците веруваат дека оваа огромна бактерија би можела да биде транзиција помеѓу прокариотите и еукариотите.
Имено, прокариотските клетки се едноставни структури, опкружени со клеточен ѕид и мембрана и немаат јадро или клеточни органели, освен рибозоми.
Од друга страна, кај еукариотите, јадрото е внатре во нуклеарната обвивка, а тие исто така може да имаат органели прикачени на мембраната.