Вработени од Општина Куманово ќе им доставува продукти и лекови на сите болни и инземоштени лица, како мерка на заштита од коронавирусот.
– Поради ситуацијата со корона вирусот во државата, од денес 15.03.2020 (недела), општина Куманово воведува услуга за асистенција на болни и изнемоштени граѓани. Овие категории на лица ќе можат да се јавуваат на телефоните 075 207 126 и 077 719 494, по што од страна на лице од општината ќе им бидат набавени и доставени бараните производи и лекови, а за кои самите граѓани ќе си ги покријат трошоците, информираат од Општината.
Оттаму апелираат граѓаните да ги почитуваат препораките и законските одредби на Владата на Република Северна Македонија, како и препораките дадени од општината, да се однесувааат одговорно кон своето здравје и кон здравјето на сите во заедницата.
Никола Ивановски