Семејна куќа лоцирана на улицата „Вук Караџиќ“ број 10 вчера околу 15:33 часот била опожарена, од засега непознати причини, информираат од Регионалниот центар за управување со кризи.
Пожарникарите вендша по пријавата излегле на терен со едно противпожарно возило и пет пожарникари, а по скоро едночасовна борба со огнение јазици успеале огнот да го локализираат во 16:15 часот.
Причините, заедно со висината на настанатата материјална штета од пожарот допрва ќе се утврдуваат.
Инаку пожарникарите вчера имале интервенција и на запален контејнер лоциран на улицата „Васил Драгомански“ каде дваесетина минути тројца пожарникари го гаснеле запалениот смет.