Се мислеше дека Атланта е засекогаш изгубена, но 100-годишните остатоци на бродот конечно беа откриена на дното на езерото Супериор во САД, во близина на границата со Канада.
Чудесно добро сочуваниот брод се наоѓа во матни длабочини, на околу 200 метри под површината на езерото, според историското друштво на Големите езера, чии членови го откриле.
Потонатиот брод бил пронајден благодарение на потрагата со сонар, а била пребарана огромна површина на дното на езерото.
Носејќи товар јаглен, Атланта потонал за време на бура на 4 мај 1891 година, додека го влечел паробродот Вилхелм.
Не само што се скинало јажето за влечење, туку и се скршиле едрата на „Атланта“, кои ја оставиле на милост и немилост.
Седумчлениот екипаж се качил на чамецот за спасување и веслал со часови додека не пристигнал во спасувачката станица во Крисп Поинт. При истоварањето, чамецот се превртел и само двајца членови безбедно стигнале до брегот.
„Деталните извештаи за потонатиот брод доаѓаат од сведоштвата на преживеаните снимени од Службата за спасување на САД, сега крајбрежна стража“, рече Кори Едкинс од историското друштво на Големите езера.
Според Брус Лин, извршен директор на компанијата, потонати бродови се ретки и може јасно да се идентификуваат по сето ова време. Потонатиот брод е особено добро сочуван благодарение на студените води на езерото Супериор.
Преживеаните раскажувале дека сите три јарболи се скршиле за време на невремето, наводите и сликите од бродоломот ги потврдуваат тие тврдења.
Таблата со името „Атланта“ сепак останала речиси недопрена.
Едкинс рече дека има музеи кои сакаат да направат изложба за овој брод, но исто така објасни дека е нелегално да се земе нешто од потонатиот брод, освен ако немате посебна дозвола.
Засега од компанијата сметаат дека најдобро решение би било „да не се вознемирува“ потонатиот брод и да се остане на дното на езерото.